باخیش
+0 به يه ن

سنين عشقيـــــن مني گتيــردي ديله ...

نئجه عاشيــــق اولور بولبــــــوللر گوله !

حسرت چكديم ...!

                   كؤنــــول وئرديم ...!

                                       سني سئـوديم ...!

                                                       مـــــــــــــــــــــــــــــن !!!

حسرت چكديم !... كؤنول وئرديم !... سني سئوديم !!!

بئله بير گؤزله ! عشقيمي تزه له ! شعيره غزله !

                                   كؤنول وئرديم من شعيره غزله !!!



باخیش
یکشنبه 18 آبان 1393
بؤلوم | توركي شعرلر یازار : ساراي
+0 به يه ن



من جهاني وئرمه رم بئش گون جهاندار اؤلماغا

دلخوشام از بس رفيق عشقينده بيمار اؤلماغا
مدركيم ثابيت ائديبدير ائتديگيم پيمانلارا
عاشيقم دونيادا دوستون ساتميان اؤغلانلارا



آچار سؤزلر : جهانی,
باخیش
یکشنبه 18 آبان 1393
بؤلوم | توركي شعرلر یازار : ساراي
+0 به يه ن



مني دينديرمه

مني دانيشديرما

قوي سوسوم بو ايتين قودوران چاغيندا

راضيلاشيم هاوا اييلدن بير سينيق سوموگه

منده باشيمي قورويوم

ككليكلر قار آختاران دووورده

سيچانلار دليكلر گزنده

ديليمي دوداقما تيكيم

آلت دوداقدان اوست دوداق آراسندا

سس سيزجه باغيريم

اونا بنزيين اون سوزو نيجه ايستييم

بو فلاكتلي عومرومده

چاتلاديقجا چاتلاسين بو باغير

كيمسه دن هاراي يوخكن

قوي قودور سون بو ايت

قوي اولاسين

دووار يازيلاري اوزگورليگيمه اهانت اولسادا

قوي دانيشماقي دا اونودوم



باخیش
شنبه 17 آبان 1393
بؤلوم | سئوگي یازار : ساراي
+0 به يه ن



سئوگي سيز گول چيچك بيتمز اي كونول

اينسان مورادينا يئتمز اي كونول
نه دن دير بيلميرم گئتمز اي كونول
باشيمدان سوداسي ايلك محبتين

بو درده نيلسين لوقمانين الي
اليمه ديمه ميش جانانين الي
دويدي قاپيميزي هيجرانين الي
بودرومو وفاسي ايلك محبتين

من اونو سوميشم بير ايلك باهاردا
اون مني ترك ائتدي بوراندا قاردا
هر يارا ساغاليپ اونودولاردا
ساغالماز ياراسي ايلك محبتين



آچار سؤزلر : سئوگی,
باخیش
یکشنبه 4 آبان 1393
بؤلوم | توركي شعرلر یازار : ساراي
+0 به يه ن



آيريليق تا كي ساليب آه و فغان ايچره مني


گؤز ياشي رسواي ائديب خلق جهان ايچره مني

عكس رخساريوه باخديقجا اوره­ك قانه دؤنور

يانديرير باغريمي هردم بو روان ايچره مني

سيغمايير جيسميمه كؤنلوم داراليب باغريم­دا

حسرتين دوستاق ائديب چونكي زامان ايچره مني

لامكان اولموش ازلدن بو حقيقت­دير كي

سالدي مستانه بلايه بو مكان ايچره مني

چونكي دوشدوم بو مكانه باشيما گلدي بلا

آرديجيل سالمادادير گؤر نئجه قان ايچره مني

منده ­دير جمله علامت­لري سبحانيميزين

سالاجاقدير بو علايم طيران ايچره مني

چون منه صورت رحمانيني وئرميشدي حبيب

سجده ­يه دوشدو ملك گؤرجگي جان ايچره مني

وصلينه يئتمك ايچون پرده ­لري وارسا منيم

آي­تكين حق بولاجاق سرّ نهان ايچره مني



آچار سؤزلر : آیریلیق,
باخیش
شنبه 3 آبان 1393
بؤلوم | آنايوردوم یازار : ساراي
+0 به يه ن



ال باغلي اياق باغلي دئيللر دئمه توركم
ديل آغزين ايچينده باشيمين فيكرينه قالدي
بير تكجه ديل اويرتمني يوخدور بيزيم ائلده
الده قلميم يازديغيمي باشيمه چالدي
چوخ نيسگيلي واردور بو ائلين يازماقا گلمز
هر كيم يئتيروب ووردي باشيندان چورك آلدي
بابك كيمي بير تكجه آتاسي اولان ائلده
سويلور اوشاغي رستم دستان،بودا زالدي
آرشدي اوخون آتدي دماوند اتگيندن
هئچ بيلموري دشمنلره كيم ولوله سالدي
ستاردي سالوب ولوله روسلار اورگينده
آذر بالاسي حئيف اولا كي تزلي قوجالدي
ليلي دئيور اوز سئوگيلينه بابكين اوغلو
بيلمور ساراني سئل نئيه بس باغرينا آلدي



باخیش
پنجشنبه 1 آبان 1393
بؤلوم | سئوگي یازار : ساراي
+0 به يه ن




توتولموش كونلوم جام ايله شادان ايلمك اولماز

ال ايلن پسته نين آغزيني خندان ايلمك اولماز
نه سوز دوربو كه اولسون صاحب مشرب قوري زاهد
قرا توپراغي هرگز آب حيوان ايلمك اولماز
بولوت قيلان كسر جولان ايدنده ايلديريم تيغي
كونوللر پرده سينده عشقي پنهان ايلمك اولماز
منيم گوزياشيمي چيقگيل فلك لردن تماشا قيل
حبابي قصرلر ايچينده طوفان ايلمك اولماز
قليج گر ايچسه عالم قانيني سيرابليق بيلمز
سني عشاق قتليندن پشيمان ايلمك اولماز
من مجنوني عاقل ايلمك ممكن دگول ناصح
سوز ايلن مشك ناب اولان قاني قان ايلمك اولماز
خطادن كيچدي جيران قانيني مشك ايلدي صائب
ديمه عصياني طاعت، كفري ايمان ايلمك اولماز



باخیش
پنجشنبه 1 آبان 1393
بؤلوم | سئوگي یازار : ساراي
+0 به يه ن


كونلوم توتولموش بير بولود كيمي

يانير ايلديرملار ايچينده

گوزلريم جوشقون بير بولاق كيمي

آخير هجران آرخي ايچينده

باغريم يانير بير چارداميش دوداق كيمي

سنسيزليگين تبنده

كيم بيلر، كيم بيلجك ، سن بيلمزسن

دردلريمين چاره سيني

غملي نغمه لري كيم دوياجاق

بو صاباح پنجره سين گونش اوزونه كيم آچاجاق

سن آچاماسان

ياتماغ ايسته ميرم

دورماق هئچ ايسته ميرم

دورسام بيليرم ينه اوزاقداسان

داها چاره قالماميش

پيچيلدايير كدرلي بو گئجه

اوچوب گتميش اوزاقلارا

منسه قانادي سنميش گوشكيمي

بوز ورميش سوز كيمي

يالواريرام صاباحلارا

يالواريرام كي سن گله سن...



آچار سؤزلر : گئجه,
باخیش
دوشنبه 28 مهر 1393
بؤلوم | مناسبت لر یازار : ساراي
+0 به يه ن




سنده جانلانميشدير منيم آماليم،


قاراداغلي گؤزه‌ل ايگيد قهرمان.

قانادلاندي يئنه ترلان خياليم،

بودور، قوشدوم سنين شأنينه داستان.



تزاري - قاجاري سانجيردي سؤزۆن،

غضبله دولوردو هر ايكي گؤزۆن.

ظۆلمۆ – ايشكنجه‌ني گؤرمۆشدۆن اؤزۆن،

ايره‌لي گئديردين هئچ دايانمادان.



ائللرله بيرليكده قياما قالخدين،

آرزولار گؤيۆنده اولدوز تك آخدين.

شاهلارين كؤكسۆنه سۆنگۆده تاخدين،

سندن نور آليردي اؤلكه‌ميز ايران.



سسيوه سس وئردي آذر ائللري،

دالييا آتيردي قارا ايللري.

كندلي‌نين فحله‌نين پولاد أللري،

يارادماق ايستيردي يئني بير دؤوران.



سۆرۆلدۆن تهرانا چيراقلار سؤندو،

رضاخان ديرچلدي، قاجارلار يئندي.

گۆن اؤتدو، ايل كئچدي، زمانا دؤندو،

قيرغينلارا دۆشدۆ آذربايجان.



محمدرضا خان سانكي داو اولدو،

آنالاري آغلار قويدو ساوولدو.

بيرگۆن ده ايراندان ايت تك قاوولدو،

«‌‌شاه گئتدي»‌ بايرامي قالخدي بوردان.



قوروب جمهوريت ايندي بو يئللر،

كسيلمه‌ييب آنجاق حله سام يئلر.

يئنه گؤزله نيلير او داشغين سئللر،

آخين - آخين آخسين دنيز تك انسان.



ايشچيله - اكينچي بايرام ائيله‌سين،

هر آغيز هر دوداق نغمه سؤيله‌سين...

قانلي بايراق آلتدا ائل بئله دئسين:

دؤنه - دؤنه سنه: «‌‌ياشا، ستارخان!»‌



باخیش
پنجشنبه 17 مهر 1393
بؤلوم | ماهنيلار یازار : ساراي
+0 به يه ن



گلميشم اوتاقينا اويادام سني قاراگيله
نه گؤزل خلق ائله ييب يارادان سني قاراگيله
گؤتوروب من قاچارام آرادان سني قاراگيله
قئزيل گول اسدي صبريمي كسدي
سيل گؤزون ياشين قاراگيله آغلاما بس دي
تبريزين كوچه لري دولان با دولان قاراگيله
اگر مني سئومه ييرسن گت آيري دولان قاراگيله
نه منه قئز قحط دير نه سنه اوغلان قاراگيله
آغاج اولايديم يولدا دورايديم قاراگيله
سن گلن يئره قاراگيله كولگه سالايديم



باخیش
پنجشنبه 17 مهر 1393
بؤلوم | ماهنيلار یازار : ساراي
+0 به يه ن

آي قيز گزمه آرالي

كونلوم سندن يارالي

گؤزلرينه حيرانام

آذربايجان مارالي

 

سن بولاغ اوسته گزنده

قيقاجي باخيب گولنده

آلدين صبري قراريمي

آذربايجان مارالي

 

من قوربانام گؤزلره

شيرين شيرين سؤزلره

بير قوناق گل بيزلره

آذربايجان مارالي

 

او گونه قوربان كسره م

گلمه سن سندن كوسه رم

گزه رم سندن آرالي

آذربايجان مارالي

 

گئدك قيرخ قيز يايلاقينا

مارال جيران اوولاقينا

ائنك عيسي بولاغينا

آذربايجان مارالي

 

ترش سو اولسون يايلاقيميز

گؤزل شوشا اوولاغيميز

سن اولايدين قوناغيميز

آذربايجان مارالي



باخیش
چهارشنبه 16 مهر 1393
بؤلوم | اورك سوزلري یازار : ساراي
+0 به يه ن



طعن ائدير ائل منه «يارين نه وفاسيز چيخدي؟»
اي وفاسيز، دئميرم من بونو اؤز يانيمدان
سانكي باشدان باشا، بير شعله‌ي آهيم گئجه‌لر
شمعلر، اودلانير، آهِ دلِ سوزانيمدان



باخیش
چهارشنبه 16 مهر 1393
بؤلوم | توركي شعرلر یازار : ساراي
+0 به يه ن



تاكي مرحم اولموسان من دردي اظهار اتمه رم
تنگه گلميش سينه مي عشقيم ده بيزار اتمه رم
قويمارام بيگانه لر گلسين بيزيم ماواميزا
زاي سوزه قيمت وئريب فيكريمده پندار اتمه رم
قوي ياتانلار يوخلائيب سنله مني بيرگورمه سين
چكسه لر داره بوگون بو عشقي انكار اتمه رم
يوز يولا زنجير ائديب چار ميخه چكسه اجنبي
باوريم دير سيرريمي اولسم ده اقرار اتمه رم



باخیش
چهارشنبه 16 مهر 1393
بؤلوم | اورك سوزلري یازار : ساراي
+0 به يه ن



زمــــــــــان گئچير، افق لارده توز قالير

كروان كـــــــيمي، اوزاقلاردا توز ساليـر

دومـان گـلـيـــــــــر، اوركـلـري چولقالير...

اوره ك دئيير: زمان، گئچمه، آمان دور

گئچنلرده گـوزوم وار، بـيـــــر دايـان دور



باخیش
چهارشنبه 16 مهر 1393
بؤلوم | اورك سوزلري یازار : ساراي
+0 به يه ن



كونلوم يئنه ده دردينه درمان سني ايسته ر
جانين بوش اولان مولكونه سلطان سني ايسته ر
كيپريكلريمي قانلي آخان ياش قورودانكن
نالان گوزومه دوزمه گه موژگان سني ايسته ر
قلبيم دايانير هيجرووه دوزمور گوزليم گل
بيچاره كونول شادليقا مهمان سني ايسته ر
دونيا ييغيشا سوفره آچا عشقي دويورسون
حتمن اورگيم دويماغا احسان سني ايسته ر