0
باخیش
پنجشنبه 2 مرداد 1393
يخليب
بؤلوم | آنايوردوم یازار : ساراي
+0 به يه ن



گجه گوردوم كوچه ده بير جوان اوقلان يخليب
خبر آلديم ددلر كفلي دي چوخدان يخليب
يادا قوشبازدي چيخيب قوش توتا دامنان يخليب
بيري قيشقيردي كي يوخ " يولداشا خاطر يخليب "



0
باخیش
پنجشنبه 2 مرداد 1393
سن سيز
بؤلوم | آنايوردوم یازار : ساراي
+0 به يه ن



بلكه اوزاقلارا من گئدم سن سيز
داريخما سئوگيليم داريخما من سيز
باشيما قار ياغيب قلبيمه نيسگيل
آغلاما سئوگيليم آغلاما بير گول
منه اولان عشقين اوريندن سيل
داريخما سئوگيليم داريخما من سيز
گئديرم بلكي هئچ گؤرمه ديم سني
حاققيني حلال ائت سئويرسن مني
سنده بيليسن كي سئوميشيم سني
داريخما سئوگيليم داريخما من سيز
دئميشديم اؤزومه گئده جم سس سيز
كيم سه اويانمايا، كيم سه بيلمه يه
من چوخدان گئتميشم قلبيمدي يازير
داريخما سئوگيليم داريخما من سيز
اوره ييمده سنين عشق و وقارين
بير يانيندا سسين هاراي هاوارين
نييه ييخدين سن بو عشقين دووارين
داريخما سئوگيليم داريخما من سيز
نه سن آغلا نه من سن سيز اوزولوم
گؤز ياشي تك ياناقينا دوزولوم
غروروم تك دوداقيندا ازيليم
داريخما سئوگيليم داريخما من سيز
اورييمده بوز باغلاييب دونورام
دئمه بيلمير اينان سني قانيرام
سنه خاطير بورالاردان قاچيرام
داريخما سئوگيليم داريخما من سيز



0
باخیش
پنجشنبه 2 مرداد 1393
يئله دؤندوم..
بؤلوم | آنايوردوم یازار : ساراي
+0 به يه ن



جاوانليقدا مين آرزويلا
آيلار اؤتدو ايله دؤندو
بير گؤزلين سئوگيسي ايله
اوخودوم بولبوله دؤندوم
سئوينجيمدن آشيب، داشيب
بولاق ايديم سئله دؤندوم
تالع يميز يار اولمادي
شاختا وورموش گوله دؤندوم
بو سئوگينين آلووندا
يانيب، يانيب كوله دؤندوم
آرزولاريم يانيب سولدو
شورانليق بير چؤله دؤندوم
سونرا عمروم پاييزيندا
قوروموش سونبوله دؤندوم
"ممدلينين" حياتي تك
سس- سميرسيز يئله دؤندوم..



0
باخیش
پنجشنبه 2 مرداد 1393
آختارما!
بؤلوم | آنايوردوم یازار : ساراي
+0 به يه ن



آختارما!بيزيم اؤلكده ميخانه تاپيلماز
بيرليك مئى نى ايچمگه پيمانه تاپيلماز
بواؤلكده عاشيق اولانى داره چكيرلر
شمعين اودونايانماقا پروانه تاپيلماز



0
باخیش
پنجشنبه 2 مرداد 1393
جانيم عشقيوه ياندي
بؤلوم | آنايوردوم یازار : ساراي
+0 به يه ن



هر گون سنه شمع اولدي جانيم عشقيوه ياندي
مجنون كيـــــمي ديوانه اولوب چولده دولانــدي
كونلوم مني مين درده ساليب عشقه بويانـدي
گوزدن مني سالدي گوزليم عشقيمي دانــدي

****

ديوانه بو كونلوم سن اوچون دونياني ساتدي
گوزلر يولا حسرتله باخيب هر گئجه ياتدي
سن سيز مني دونيا نه قدر ساده قوجاتدي
گوزدن مني سالدي گوزليم عشقيمي دانــدي



0
باخیش
پنجشنبه 2 مرداد 1393
گوزليم
بؤلوم | آنايوردوم یازار : ساراي
+0 به يه ن





اولموش گوزليم ماه رخون آيه برابر
مستانه گوزون نرگس شهلايه برابر
دنياني منه ورسله سنسيز نيه لازيم
هربير باخيشين هر ايكي دنيايه برابر



0
باخیش
چهارشنبه 1 مرداد 1393
سن گئتمك ايسته‌دين
بؤلوم | آنايوردوم یازار : ساراي
+0 به يه ن




سن گئدندن آرتيق نئچه ايل كئچيب

هله ده اؤزومه گلمه‌ميشم من

قلبيمه آديني نئجه يازميشام

ائله ده قاليبدي، سيلمه‌ميشم من


سن گئتمك ايسته‌دين، من قوجاقلاديم

"گئتمه، يالواريرام" دئييب ساخلاديم

ياديندامي او گون نئجه آغلاديم؟

او زاماندان بري، گولمه‌ميشم من.


هز آليردين مني اله سالماقدان

ايچيمدن سيرريمي بير-بير آلماقدان

دئينده "قورخورام تنها قالماقدان"

قورورلا دئييردين "اؤلمه‌ميشم من".



0
باخیش
چهارشنبه 1 مرداد 1393
ساغليغينا
بؤلوم | آنايوردوم یازار : ساراي
+0 به يه ن




گر چه عشق اهلي ايچر بادني جان ساغليغينا

ايچيرم جام شرابي يارادان ساغليغينا

ايچيرم سئل ده سارا-داغدا چوبان ساغليغينا

ايچيرم مين گول ايچينده بير تيكان ساغليغينا

جواني آيريليق آخيرده قوجالدار بيليرم

ايچيرم بير قوجا شكلينده جوان ساغليغينا



0
باخیش
چهارشنبه 1 مرداد 1393
دولانسین
بؤلوم | توركي شعرلر یازار : ساراي
+0 به يه ن




قویما گؤزه‌لیم، کویینه اغیار دولانسین

انصاف‌می، گولزاری گلیب، خار دولانسین؟

راضی ده‌گیلم اؤزگه اولا محرم وصلین

گولزار بهشتی نه‌یه کفّار دولانسین؟

کؤنلوم قوشو دائم دولانیر، شؤقِ روخونله

البته گرک، کعبه‌نی زوّار دولانسین

اکراه ائله‌مه قامتینه زولف دولاشسا

سرو اوستونه، بو رسمدی، شاه مار دولانسین

رحم ائت، گونیمی ائیله‌مه زولفون کیمی قاره

قویما اوزونه طرّه‌ی طرار دولانسین

سالدی منی پیوسته قاشین فکرینه، ظالم!

دائم بئله قوی چرخ جفاکار دولانسین

مخمور گؤزون فیکری ائدیب عالمی بیهوش

واحد نئجه بو شؤق‌ایله هوشیار دولانسین؟

شاعیر: علی آقا واحد



0
باخیش
سه شنبه 31 تیر 1393
سن گئتدين
بؤلوم | آنايوردوم یازار : ساراي
+0 به يه ن





سن گئتدين، ائله بيل دونيا بوشالدي
ياز دا كؤچوب گئتدي، يئري بوش قالدي
باهار اوره‌ييمي سن‌سيز قيش آلدي
من يازا وورغونام، قيشي نئيله‌رم؟


عشقيمي آپاريب سن گئتدين، دئمك
عشق‌سيز بير كؤنول نه‌ييمه گره‌ك؟
سويوق داشا دؤندو او گوندن اوره ك
سينه‌مده آسيلان داشي نئيله‌رم؟..



0
باخیش
سه شنبه 31 تیر 1393
ال چك داها
بؤلوم | آنايوردوم یازار : ساراي
+0 به يه ن



ال چك داها بو قلبيمي ويران ائله مكدن
عشقينده مني هر گئجه گريان ائله مكدن
بير ياره ويريبسان منه ، اي قامتي رعنا
عاجيزدي حكيم لر منه درمان ائله مكدن
بير درد قانان يوخدي منيم درديمي قانسين
ياندي جيگريم درديمي پنهان ائله مكدن



0
باخیش
دوشنبه 30 تیر 1393
يوسف
بؤلوم | شهريار یازار : ساراي
+0 به يه ن

يوسف گله جك بيرده بو كنعانه تلسمه

عالم دونه جك جنت و رضوانه تلسمه

سيخما اوره گون اي دل غمديده كه الله

سامان ورجك بي سر و سامانه تلسمه

بي جا يره چرپينما و سرگشته دولانما

رونق ورجك حال پريشانه تلسمه

عمرون كه وفا قلسا اگر فصل بهاره

 گل چتري تو تان باشه گلستانه تلسمه

 دوران جهان اولماساگر وفق مرادون

غم غصه يتوب چرخش دورانه تلسمه

 مين نقشه قالوب پرده دنياده ازلدن

واقف دگورسن پرده پيمانه تلسمه

 كشتي سورنون نوح نبي دور نه هراسون

 گدتمك دن اتور ساحل عمانه تلسمه

ايدل توتا گر سيل فنا ملك جهاني

 هم سيله تحمل اله طوفانه تلسمه

 يولار كه اوزاق الموش و هر چند خطرلي

 يوخدور اويولي يتميه پايانه تلسمه

احوال پريشانه خدا جور رقيبه

 واقف دي ازلدن ، دل ديوانه تلسمه

 بلبل كه تابون يوخدي بو هجران و فراقه

حسرت ده قالوب موسم بوستانه تلسمه

اي طالب كعبه كه ياترسان تيكان اوسته

 بيرگون يته سن كعبه جانانه تلسمه

 حافظ نه قدر هرگجه قرآن اوخويرسان

 جنت دي يرون آند اولاترانه تلسمه

مين خار مغيلان توتا هرلحظه اياقون

روحون گوزي گر گلسده افغانه تلسمه



0
باخیش
دوشنبه 30 تیر 1393
«اوْيان! ستّارخان! اوْيان!»
بؤلوم | آنايوردوم یازار : ساراي
+0 به يه ن

خان!

اوْيان!

نه ياتيبسان!



0
باخیش
دوشنبه 30 تیر 1393
ياخشيدي
بؤلوم | آنايوردوم یازار : ساراي
+0 به يه ن

دلي كؤنول, من‌دن سنه امانت
دئمه بو دونيادا قاليم ياخشيدي
بير گون اولار, قوحوم, قارداش ياد اولار
دئمه ئولوسوم وار, ائليم ياخشيدي
بير مجليسه وارسان اوزونو اويمه
شيطانا باج وئريب, كيمسيه سؤيمه
قوت‌لي اولسان دا يوخسولو دؤيمه
دئمه كي, زورلويام, قولوم ياخشيدي
قوچاق‌دان اولوبسان, قوچاق اولگونان
قادا‌دان, بالا‌دان قاچاق اولگونان
آشيق اول, جومرد اول, آلچاق اولگونان
دئمه, واريم چوخدور, پولوم ياخشيدي
خسته قاسيم, كيمه قيلسين داديني؟
جاني چيخسين, اوزو چكسين اودوني
ياخشي ايگيد يامان ائتمز آديني
چونكي يامان آددان اولوم ياخشيدي.



0
باخیش
دوشنبه 30 تیر 1393
کوسموشـم
بؤلوم | توركي شعرلر یازار : ساراي
+0 به يه ن


دونیادان اوز دونده ریب من آشــنا دن کوسموشـم

 

باش یازیمنان بخت دن قدر و قضــا دن کوسموشم

 

 گرطبیبیم ده علاجــــــــی کوسمـــه ماق تجویز ائده

 

 اتـــــــمه رم امرین اطاعت چــون دوادن کوسموشم



**************


بوگون آخشام سن سیز منی آغلاتدی یاغیش

یادوما سالدی سنی مطلبینه چاتدی یاغیش

کوچه لر اولدی گوزومده ینه بیر آرپا چایی

منی سن سیز نئجه نیسگیل سئلینه آتدی یاغیش


**********************

گوردون  کی نئجه  قافله  عمر  سووشدی

وئردی گئجه وقتی یوخویا گئچدی جوانلیق

بیرلحظه دایان  آیریلیق هنگامیدی ای عمر

آردونجا  گلیم گوزدن  ائدیم اشک  فشانلیق