باخیش
سه شنبه 14 مرداد 1393
بؤلوم | آنايوردوم یازار : ساراي
+0 به يه ن


او كي بيلمير ندي كيمدي قويون آزر ائليني مسخره سانسين
بير عؤموردور كي نسيميني فضوليني دانير ايندي ده دانسين
شهريار تك سن اوجالد باشيوي قوي عرشه دايانسين
قوي باخاركن تر اچينده جوموبان اؤلسون اوتانسين
او كي آخساخدي يوبانسين
اوكي توركون بالاسين ايندي ده آشغالچي سانيبدي
او كي توركون ديلين اسكيتمكله تصويره ساليبدي
او توفاله بيليرم فيكريني طاغوتدان آليبدي
او رژيمدن دي قاليبدي يوخسا توركون بالاسيندان چيخيب علامه دوران
اونا دونيااا باش اگير فلسفه ده بيرجه نه ايران

نيسگيل او ترسه يه اولسون كي جواهير ندي قانمير
ائليمين حالينه يانمير اريمير اؤلمور اوتانمير



باخیش
دوشنبه 13 مرداد 1393
بؤلوم | آنايوردوم یازار : ساراي
+0 به يه ن


بو دونيادا ابدي‌ليك نه وار كي

عؤمور كيمي هر شئي گلدي-گئدرميش

نه سئوگي‌نين گوناهي وار نه بيزيم

بو سئوگي‌نين عؤمرو بورا قدرميش

مجنون آهي،لئي‌لي‌نين گؤز ياش‌لاري

نه بيليديك افسانيميش،هدرميش

غم ائيلمه هر يولون بير سونو وار

بو سئوگي‌نين عؤمرو بورا قدرميش

گوله-گوله باشلاميشديق بو عشقي

آخيريندا گؤز ياشييميش كدرميش

محببتين پاييز فص‌لي وار ايميش

بو سئوگي‌نين عؤمرو بورا قدرميش

آيريليريق خاطره‌لر ايچينده

بو آيري‌ليق اؤلوم‌دن ده بئترميش

تسلليميز بو اولا‌جاق سئوگيليم

بو سئوگي‌نين عؤمرو بورا قدرميش



باخیش
یکشنبه 12 مرداد 1393
بؤلوم | نصرت كسمنلي یازار : ساراي
+0 به يه ن

قار كيمي آغ گلديم ،

               لكه سيز گلديم ،

سس سيزجه ياغميشديم يوللارينا من .

من سنين عؤمرونه بلكه سيز گلديم

ييغيلدين گوج كيمي قوللاريما سن ...

 

بيتدي باخيشلارين نغمه سي ، سؤزو

سوكوت قوللاريندا گزديردي بيزي ...

سويودوق قار كيمي ...

                نه دئييم ،

                دوزدو ،

بلكه بو سويوقلوق بئزديردي بيزي ...

 

ايندي خاطيره نله ياناجاغام من ،

گولسن ،

                گولوشونه بورونه جه يم .

قار كيمي اووجونا ياغاجايام من ،

قار كيمي اووجوندا ارييه جه يم ! ...

 

حسرتين قلبيمده دينير تار كيمي ،

نغمه لر دنيزدير ، وصالين قاييق .

 

سنده آي سئوگيليم ،

                گئتدين قار كيمي

قاييتسان ،

                قار كيمي لكه سيز قاييت ! ... 



باخیش
یکشنبه 12 مرداد 1393
بؤلوم | نصرت كسمنلي یازار : ساراي
+0 به يه ن

نه بيله يديم بو سئوگينين سوْنو يوْخ

نه بيله يديم دونيا بئله دؤنه جك.

نه بيله يديم سئوگي آدلي بو قوْناق

ايكيميزين آراميزدا اؤله جك ...

 

اولو سئوگي گؤيدن يئره ائندي مي

نه داياندي يوْلوموزون اوستونده؟

بو محبت سوْيودوقجا، سن دئمه،

جان وئريرميش قوْلوموزون اوستونده.

 

هر گؤروشه سورونوردو آياقلار

اوْل چمنلر بير باهارليق چمني

دوْداقلاري يانديراندا دوْداقلار

اوره ييميز اوشويورموش، دئمه لي.

 

اَيلنجه لر قوْيمادي كي، گؤز آچاق

هر ايسته يي بيز بئله جه بيترديك

پاييز گلدي توْي بايراملا، بيز آنجاق

يارپاق يارپاق گونوموزو ايتيرديك.

 

شيرين اوْلدو يالانلارين زهه ري

حقيقتي گيزله ميشيك هميشه

سئوگيليلر اوْياق آچدي سحري

بيز آخشامي گؤزله ميشيك هميشه ...

 

يوخو گؤردوك ... گاه گوْرخولو، گاه دا شن،

بوْغدو بيزي ترددودلر آخاري

يوخولاردا اللر گؤردوك بيرلشن

ها يوْزدوقسا هيجران اوْلدو آخيري ...

 

نه بيله يديك بو سئوگينين سوْنو يوْخ

نه بيله يديك دونيا بئله دؤنه جك

نه بيله يديك سئوگي آدلي بو قوْناق

اوزوموزه باخا باخا اؤله جك



باخیش
یکشنبه 12 مرداد 1393
بؤلوم | نصرت كسمنلي یازار : ساراي
+0 به يه ن

يئنه ده عؤمروموزو

گول چيچكلر بزه دي

دونيا كؤهنه دونيادي

سئوگيلري تَزه دي.

 

گؤروشه گئده ني وار

گؤروشدن گله ني وار

كؤوره ليب آغلاياني

اوره كدن گوله ني وار.

 

داغلاردا قار اريدي

قيشين اوزو يازادي

دونيا كؤهنه دونيادي

گولوشلري تَزه دي.

 

چمنلره شئه دوشور

سيرغا تاخير چيچكلر

چيچكلري گول اللر

چمندن دره جكلر.

 

هر چيچه يين عنواني

بير گول اوزلو قيز آدي

دونيا كؤهنه دونيادي

چيچكلري تَزه دي.




باخیش
یکشنبه 12 مرداد 1393
بؤلوم | نصرت كسمنلي یازار : ساراي
+0 به يه ن

دئدين، سوْن خاطيريم قورو شكيلدي

يازدين، اونوداندا باخارسان آنجاق.

من سني اونوتسام ...

                             دوشوندون مو بير

شكلين سندن اوّل اونودولاجاق ...

 

بيليرم،

بير داها دؤنمه يه جك سن،

عكسين يانان عشقين بير اوْووج كولو ...

اؤزون ياد اوره يي دينله يه جك سن،

شكلينسه قلبيمين دؤيونتوسونو.

 

سني ساخلاماغا چاتمادي گوجوم،

آچيلان نه واختسا سوْلمالي ايميش.

شكليني وره قه كؤچورمك اوچون

آرادا نئقاتيو اوْلمالي ايميش.

 

بو سوْيوق كاغيذدا سئوينج دوْنوبدور،

كده رين هارداسا يوْل گلير هله.

اوزونه خفيف بير گولوش قوْنوبدور،

هيجرانا باخيرسان سن گوله گوله ...

 

بير آنين حؤكمويله دييشير اينسان،

نئجه عزيز ايدي باياق بو شكيل.

سن اؤزون بير سئوگي خومارينداسان،

هميشه اوياقدير،

                             اوْياق بو شكيل.

 

بير كاغيذ اوستونده دوْنان اوميدين

غملي گؤزلرينده ابدي اوْجاق،

شكلين واختي سايان ياعات كيميدي،

ياديما دوشنده باخيرام آنجاق ...



باخیش
یکشنبه 12 مرداد 1393
بؤلوم | واحد یازار : ساراي
+0 به يه ن

سنسيز يئريم بهشت اولا، غم خانه دير منه

كيم آشنا ده گيل سنه، بيگانه دير منه

 

هر كس كه پاي بند سر زلفون اولماسا

يوز عاقلم دئسه، يئنه ديوانه دير منه

 

شوق رخينله شمع كيمي يانديم هر گئجه

همدم سرشك چشميله پروانه دير منه

 

آب حياتي بير بئله زاهد كه وصف ائدير

لعل و لبين يانيندا بير افسانه دير منه

 

زلفونله اولسا، ائيله مز  آشفته كؤنلومي

دوشمان، او زلف ايچينده گزه ن شانه دير منه

 

عشق عالمينده بونجا بلالر كي چكميشم

مقصد، طواف عارض جانانه دير منه

 

واحد جهاندا باقي قالان عشق ملكي دير

اوندان قالان نه وارسادا ويرانه دير منه



آچار سؤزلر : سنسیز,
باخیش
یکشنبه 12 مرداد 1393
بؤلوم | واحد یازار : ساراي
+0 به يه ن



بير گول عشقينده كؤنول قان اولاجاقميش، نه بيليم

بولبـول آســا ايشيــم افغــان اولاجاقميش، نه بيليـم


وصليني سئومـه ز ايديـم هجــر غميـن بيلسـه يديـم

قسمتيــم آخيــري هجــران اولاجاقميش، نه بيـليــم


بـو  قـــدر  عشـــق  اودونا  يانمـاز ايـديــــم  عالمـــده

جگريـــم هجريلــــه ســوزان اولاجاقميش، نه بيليــم


خــانـه  كؤنلومي  ييخـــدين  بو  ستـــم  داشي ايلـــه

مـلك دل  بيــر بئله  ويـــران  اولاجاقميش، نه بيـليـــم


يـار  نظــر  ائتميشيـــدي  بوســـه  وئريب  جانيـــم  آلا

اول جفـا پيــشه  پشيمــان  اولاجاقميش، نه بيــليـــم


كؤنلومي  خالينـــه  بنـــد  ائتـــدي  زنخــــدان  ايچــــره

يوسفيــم   بسـته  زنـــدان  اولاجاقميش، نه  بيــليـــم


واحــد  اول  ماه  رخــون  زولفونــه  دل  وئرمـه ز ايـديــم

خـاطريــم  بيلــه   پريشـــان  اولاجاقميش، نه  بيــليـــم



باخیش
یکشنبه 12 مرداد 1393
بؤلوم | واحد یازار : ساراي
+0 به يه ن



شــراب اولا، من اولام، بيــرده نازلي دلبـر اولا

بيـر  اؤزگه  عالمي  وارديــر  اگـر  ميســر اولا

 

صفاي مجلس مئي، مين بهشت دن آرتيقدير

بيـر الده گـول توتا جانان، بيـر الـده ساغـر اولا

 

اولاندا مست آچا زولفون نگار، نشئه سي وار

عمومـه  ذوق  وئـره،  بـزم  مئي  معطـر  اولا

 

بساط باده ده حال اهلي نين فداسي اولوم

شـرابي  قال  ايلـه  ايچـمه، اگـر  پيمبـر  اولا

 

اسيــر  زولفـونم اي  شـوخ،  گل  آجيقلانمـا

اسيـره حؤرمت ائده رلـر اگـر كي  كافيـر اولا

 

نه ليلي سن كيمي اولموش، نه من كيمي مجنون

نه كاره  ديـر گليـب  اونـلار  بيـزه  برابـر  اولا

 

گؤرنـده  واحيـد اوزون ياريمين اسيـر كؤنلـوم

نه نوع ساكت  اولا، اود  اولار، سمنـدر  اولار




باخیش
دوشنبه 6 مرداد 1393
بؤلوم | توركي شعرلر یازار : ساراي
+0 به يه ن



ائليمين گوللري سولمايان كيمي

دريالار اوسگويه دولمايان كيمي

توتولوب اولمايان كيمي

اوچماقدير ديلگيم قانات وئر منه



غم توزون آپارمير گؤزومون سئلي

سوسدوروب ديليمي ننه ليك فئلي

درديمي توكنمز حيات وئر منه



چال سازي ، سسينده سؤزومو دئييم

قال رنگين گؤسترمز دونومو گئييم

واردير چارپيشماغا هله ليك هئييم

گئديرم چنلي يول، قيرآت وئر منه



جانيملا وارليغيم، واريم ديديشير

اوخ قاليب سوموكده يارا بيتيشير

حياتيم بوش-بوشا باشا يئتيشير

بوسون گونلريمده ثبات وئرمنه



قولوما قارداشدان داياق ايستيرم

ديليمه ائليمدن ساياق ايستيرم

دنيزلر توتوملو چاناق ايستيرم

درديمي يازماغا داوات وئر منه



باخیش
دوشنبه 6 مرداد 1393
بؤلوم | آنايوردوم یازار : ساراي
+0 به يه ن




سانما يوخلاييبدير سس سيز سمير سيز

دئمه چؤكوب شهره اؤلوم قورخوسو
گئجه ني دالغا سيز ياشايان دنيز
سحره گؤرورو توفان يوخوسو
باخيشلار پايلاشير مين بير گيزليني
دوداقلار سوسسادا كؤنوللر دويور
يوز ايللر بوكمه ييب اركين بئليني
هله ده وارليقين ، ائلين قورويور
بوز گؤلون مورگولو گؤروب آلدانما
ساوالان كؤكسونده جوشان وولكاندير
گؤردوگون قارا گون بو ائل بو تورپاق
ايگيدلر بئشيگي آزربايجان يوردودور
بورا آزربايجان اودلار يوردودور



آچار سؤزلر : آزربایجان,
باخیش
دوشنبه 6 مرداد 1393
بؤلوم | سئوگي یازار : ساراي
+0 به يه ن


آراميزدا تيكانلي چپر لر اولسادا...
سيره سيره داغلار اولسادا...
اوزون يوللار اولسادا....
ياديم دان چيخاتمارام سني...
چونكو هميشه قلبيم ده سان...!



باخیش
دوشنبه 6 مرداد 1393
بؤلوم | ماهنيلار یازار : ساراي
+0 به يه ن



سودان گلن سورمه ­لي قيز
(اي دختر سرمه كشيده كه از [لب] آب مي­آيي)
چوخ اينجيدير كوزه سني
چوخ اينجيدير كوزه سني
( كوزه خيلي اذيتت مي­كند )
ائله نازايله گليرسن
آپاريرلار بيزه سني
آخ* آپاريرلار بيزه سني
( چنان با ناز مي­آيي - يعني با ناز زياد مي­آيي-
تو را به خانه ما مي­برند
آخ تو را به خانه ما مي­برند )
كوزه­ ني الين­نن آلام
قولومو بوينونا سالام
قولومو بوينونا سالام
( كوزه را از دستت بگيرم
دستم را [دور] گردنت بياندازم)
گلسن سني اؤزوم آلام
گلسن سني اؤزوم آلام
( [اگر] بيايي تو را خودم مي­گيرم)



باخیش
دوشنبه 6 مرداد 1393
بؤلوم | مناسبت لر یازار : ساراي
+0 به يه ن



اللاهيم! بيزه توفيق وئر؛ بو آيدا قازانديخلاريميزي، عؤمروموزون آخيرينا قدر ساخلاياق.
فطر بايرامي موبارك 



اللاهيم! سنين آيي

ن دان قوتولونجا، بيزي گناه لاريميزدان دا قورتار و رحمت قاپيلاريوي بيزه آچ.
فطر بايرامي موبارك




فطر گليب، يئمك لري چوخ يئيين
پيتزا،كباب،تويوق لاردان يئيين
گيزلين يئييرديز اگر رمضان دا
شوال گليب،آچيق آشكار يئيين!
فطر بايرامي موبارك
 


اوروجلوق آيي گئددي، فطر بايرامي گلدي
مين حيف او گئددي، مين شكر بو گلدي
فطر بايرامي موبارك



اللاهين رحمت قاپيلاري باغلانير!
مواظب اول قاپي آراسيندا قالماياسان!
فطر بايرامي موبارك
 




بوگؤزل فطر بايراميندا، الله دان ايسته يك، اورييميزي گلن ايله جان بوجور تميز ساخلاسين
و غافل اينسانلاردان اولماياخ
فطر بايرامي موبارك
 



ا
رحم الراحمين آيي نين گئتمه يينه الوداع
اوباشدانليق، افطار وقت لرينه الوداع
نعمت،رحمت،بركت آيي نا الوداع
ايشيقلي قدر گئجه لرينه الوداع
فطر بايرامي موبارك



!الله
بيزه يارديم ائت بو بير آيدا قازانديغلاريميري ساخليياق و شيطان اليميزدن آلماسين.
فطر بايرامي مبارك
 



آي الله! بو آيدان چيخيريخ.. نه اولار يارديم ائلييسن گناه لاريميزدان دا چيخاخ..؟
فطر بايرامين مبارك



بو گؤزل آيدا، گؤزل الله آ ياخينلاشديق
نه اولار بيزيم بوتون گونلريميز بو آي كيمين اولاردي؟
فطر بايرامين مبارك

 تصاوير زيباسازي TopBloger.com تصاوير زيباسازي وبلاگ



باخیش
دوشنبه 6 مرداد 1393
بؤلوم | ماهنيلار یازار : ساراي
+0 به يه ن



يار بيزه قونــــــاق گله جك ...

بيلميرم نــــاواخت گله جك ؟!!!

سوز وئريب صاباح گله جك !

(يار ! مهمان ما ميشود ... و نميدانم كي خواهد آمد ؟!!! و به ما وعده داده است كه فردا مي آيد !)

مارالا بــــــــــاخ مارالا ، داغلار باشيني قار آلا !

بير يانار كيمسه م اولا ، چكه درديمي سارالا !

(به آهو بنگر ! و به كوههايي كه قلّه هايشان را برف مي گيرد ! من يك آشناي دلسوز ندارم كه مرا همدردي كند و بدين همدردي زرد و نحيف شود !)

من عاشيقام حالينا ! اوزده قــارا خالينا !!!

لاله بنووشه يئتمز ! يارين گول جامالينا !!!

(من عاشق احوالات اويم و همچنين عاشق خال سياه رخسارش هستم ! و لاله و بنفشه به جمال گل يار نميرسد !)

يار بيزه قونـــــــاق گله جك ...

بيلميرم نــــاواخت گله جك ؟!!!

سوز وئريب صاباح گله جك !

(يار ! مهمان ما ميشود ... و نميدانم كي خواهد آمد ؟!!! و به ما وعده داده است كه فردا مي آيد !)