باخیش
چهارشنبه 12 شهریور 1393
بؤلوم | توركي شعرلر یازار : ساراي
+0 به يه ن



آغلاديم گوزياشيمي گيزلينجه سيلديم بيلمه دين
دردين آلديم جانيما اولدوم-ديريلديم بيلمه دين
سن منيمله اوزگه لشدين يانديريب ياخدين مني
من سني ملك دلين سولطاني بيلديم بيلمه دين
سروتك آزادايديم طوفان اگنمزدي باشيم
قدديمي ائتدين كامان ياي تك اگيلديم بيلمه دين
عشق سرداري كيمي قورخمازديم هئچ بيركيمسه دن
بيرسنه بير عشقينه آنجاق يئنيلديم بيلمه دين
داش دا اولسام اول آياقلار آلتينا تورپاق اولوب
بير قوزو قوربان كيمي واللاه سريلديم بيلمه دين



آچار سؤزلر : دین,