0
باخیش
دوشنبه 11 آبان 1394
یالوارمامنه
بؤلوم | آنايوردوم یازار : ساراي
+0 به يه ن


ﻛﻮﺳﻤﻮﺷﻢ ﺑﻴﺮﺩﻩ ﺑﺎﺭﻳﺸﻤﺎﻡ ﺩﺍ ﻳﺎﻟﻮﺍﺭﻣﺎ ﻣﻨﻪ
ﺗﻜﻠﻴﻐﻴﻦ ﻻﻳﻴﻘﻲ ﺳﻦ ﮔﺌﺖ ﺑﺎﻻ ﻳﺎﻟﻮﺍﺭﻣﺎ ﻣﻨﻪ
ﻧﺌﭽﻪ ﺍﻳﻞ ﻧﺎﺯﻳﻮﻱ ﭼﻜﺪﻳﻢ ﻭﻟﻲ ﺳﻦ ﻇﻮﻟﻢ ﺍﺋﻠﻪ ﺩﻳﻦ
ﺍﻳﻨﺪﻱ ﺩﻩ ﺍﻱ ﺩﺍﺵ ﺍﻭﺭﻙ ﺩﺅﻥ ﺩﺍﺷﺎ ﻳﺎﻟﻮﺍﺭﻣﺎ ﻣﻨﻪ
ﻣﻨﻴﻢ ﺁﻏﻼﺭ ﮔﺆﺯﻭﻣﻪ ﺭﺣﻢ ﺍﺋﻠﻴﻴﺐ ﻫﻦ ﺩﺋﻤﻪ ﺩﻳﻦ
ﺍﻳﻨﺪﻱ ﮔﺮ ﮔﺆﺯ ﻳﺎﺷﻴﻦ ﺁﺧﺴﺎ ﭼﺎﻳﺎ ﻳﺎﻟﻮﺍﺭﻣﺎ ﻣﻨﻪ
ﻳﺎﻟﻮﺍﺭﻳﺮﺩﻳﻢ ﺳﻨﻲ ﻣﻦ ، ﺳﻦ ﭼﺆﻭﻭﺭﻭﺭﺩﻭﻥ ﺍﻭﺯﻭﻭﻱ
ﺍﻳﻨﺪﻱ ﺩﻩ ﻛﺌﭽﻤﻴﺸﻲ ﺳﻦ ﺳﺎﻝ ﻳﺎﺩﺍ ﻳﺎﻟﻮﺍﺭﻣﺎ ﻣﻨﻪ
ﺳﻦ ﺍُﻭﺯﻭﻥ ﺩﺍﺷﻼﻣﻴﺴﺎﻥ ﺑﺎﻏﺪﺍ ﮔﻮﻟﻮﻥ ﺑﻮﻟﺒﻮﻟﻮﻧﻲ
ﮔﻠﻪ ﺑﻮﻟﻤﺰ ﻳﺌﻨﻪ ﺑﻮﻟﺒﻮﻝ ﺑﺎﻏﺎ ﻳﺎﻟﻮﺍﺭﻣﺎ ﻣﻨﻪ
ﺩﺋﺪﻳﻢ ﮔﻞ ﺑﺎ ﻫﻢ ﺍﻭﻻﻕ ﺳﺎﺩﻩ ﺩﻭﺗﻮﺏ ﺧﻮﺵ ﻳﺎﺷﺎﻳﺎﻕ
ﺳﺌﻮﻣﻪ ﺩﻳﻦ ﭘﺲ ﺩﺍﺣﺎ ﮔﺌﺖ ﺗﻚ ﻳﺎﺷﺎ ﻳﺎﻟﻮﺍﺭﻣﺎ ﻣﻨﻪ



0
باخیش
دوشنبه 11 آبان 1394
یاشاییم
بؤلوم | آنايوردوم یازار : ساراي
+0 به يه ن

باخیش اولسام نه اولار، نازلی گؤزونده یاشاییم
نفسیم اولماق اوچون سئوگی سؤزونده یاشاییم

چؤللره سالما منی غربته ساکن ائله مه
قوجاغیندیر وطنیم ساخلا اؤزونده یاشاییم

یاغیشین یاغماسینا عشق هاواسی باعث اولار
اورگین دولسا اگر آغلا گؤزونده یاشاییم

گؤزلرین عالمینی من کیمی بیچاره بیلر
گؤزلریندن دوشورم سانکی یوزونده یاشاییم

بودا عشق آتشی دیر هرکسی یاندیرماز اینان
یاندیریرسان منی سن ،اودلا کؤزونده یاشاییم