باخیش
دوشنبه 13 بهمن 1393
+0 به يه ن

آد گونون موبارک. سنه بو یئنی یاشیندا یئنی خوشبختلیک لر، یئنی سئوینجلر، حیاتیندا یئنی-یئنی موفقیت لر آرزو ائدیرم. آد گونون قوتلو اولسون !

 

آرزوم بودور، بوتون کدرلرین کئچن یاشینلا بیرلیکده حیاتیندان کئچیب گئتسین. هئچ بیر آرزون اوره گینده قالماسین . آد گونون موبارک !

 

 سئوگیلیمسن، یاریمسان

حیاتدا یولداشیمسان

بو گون سنین آد گونون

تبریک ائدیر سئوگیلین !

 

 

ان گؤزل گونلری حیاتینا، ان گؤزل سئوینجلری گؤزلرینه ، ان گؤزل سئوگینی اوره یینه، ان گؤزل گولوشو دوداقلارینا گؤنده ریرم. آد گونون موبارک!

 

دونیادا تایی اولمایان گؤزللیک وارسا او دا سنده دیر. همیشه سئوگی دولو قالمان و خوشبخت اولمان آرزوسویلا. آد گونون موبارک!

 

آد گونون موبارک! سنه آرزوم حیاتین گؤزل، معنالی گونلریندن دادماق، اؤز گؤزللیکلری ایله اؤیونن دونیانین گؤزللیکلرینه قووشماق دیر. آتدیغین هر آتدیمدا اوغرون سنینله اولسون، خوشبختلیک گوللری آچسین گول باخچاندا.

 

سحر آچیلارکن، گونش اویانارکن، گونشین شفق لری ساچیلارکن دونیایا، گؤزل کؤرپه دوغولوپ دا هایله سینی سئویندیردی. آزاد بیر قوش کیمی سوین، چونکی گون سنین آد گونون دور، سن حیاتین ان گؤزل نعمت لرینه لایق سن. آد گونون موبارک!

 

آد گونونو تبریک ائدیرم!حیاتینی خوشبخت، سئوگی ایچینده کئچمه یینی دیله ییرم. سئوینجینی کدرله بؤلوشمه یه سن، وجودونداکی چیرپینان قلبینله دیله گتیره سن.

 

 

بوگون دونیانین ان گؤزل گونلریندن بیریدیر. چونکی ایللرین، آیلارین بو گونو سن دونیایا گؤز آچمیسان. سن هر زامان عزیزسن . آد گونون موبارک،

 

آللاها اولان آرزو و ایستک لرینی اوجا ربیم قبولا یئتیرسین، دیلسیز قلبینین دیلک لرینی. ان گؤزل آرزولارلا قلبیمی قلبینه یاخین توتورام. آد گونون موبارک!

 

بولودلارین گؤز یاشلاری پنجره نه وورارکن، فیکره گئتدییین بیر آن هانسی خیاللاری سنه یاتماغی اونوتدورسا، گله جک سنه اونلان یاشاتسین



باخیش
سه شنبه 7 بهمن 1393
بؤلوم | توركي شعرلر یازار : ساراي
+0 به يه ن

محبت یوکودور قورو نفسی

بیر سلام کئف-احوال آنامین بسی

الینده خاک‌انداز ائو سوپورگه‌سی

قاپییا گؤز تیکن جوت باخیش قالیب

آنامین دؤره‌سی یامان بوش قالیب!!!

سویوق بو عصیرلی زامانلیام هئی

گرکدیر اؤزومو یامانلیام هئی

هاوام قاریشیبدیر دومانلیام هئی

بولوتام گوزومده تر یاغیش قالیب

آنامین دؤره‌سی یامان بوش قالیب!!!



باخیش
سه شنبه 7 بهمن 1393
بؤلوم | توركي شعرلر یازار : ساراي
+0 به يه ن



بو مریض درد عشقه بیر پرستار آرزیدی

بیر حقیقت آختاران انسان غمخوار آرزیدی

عشق باغیندان گئچرکن اوخ دییبدیر سینمه

دردیمه درمان ائدن یار وفادار آرزیدی

گونده یوخ ای نازنین ای عشق ائوین ویران ائدن

ایلده بیر گون گورمه یه رخسار دلدار آرزیدی

من سنون عشقون یولوندا عمریمی اتدیم هلاک

بیلمه دیم تکجه سنه ای یار اغیار آرزیدی



باخیش
چهارشنبه 1 بهمن 1393
بؤلوم | باياتيلار یازار : ساراي
+0 به يه ن

عزیزیم کیمی گوزلر
تار چالان کیمی گوزلر
قاشون کیمی قاش اولماز
گوزلرین کیمی گوزلر


***


بو داغدا مه‌لر گلر
داغلاری انر گلر
نامرده توش اولانین
باشینه نه‌لر گلر؟


***


بو داغدا اکدیم اکین
آلدیلر الیمده کین
هیچ کافر هیچ مسلمان
اولماسین منیم تکین


***


بیر قوش گلیر آغ داشدان
خبر ویریر قارداشدان
قارداش باجیدان دویسا
باجی دویماز قارداشدان

***

بو گلن اوزون بیلمز
دانشسا سوزون بیلمز
هر گلیب سو دولدوران
چشمه نین گوزون بیلمز



***

بوستانام تاغیم آغلار
غمدن یاپراغیم آغلار
ساغام اوزوم آغلارام
اولسم توپراغیم آغلار



***


بو دره نارین دره
گیتدیکجه نارین دره
بوردا بر باغ سالدیم
یار گله نارین دره


***


آی چیقدی قادر آللاه
تقصیریم نه در آللاه
یا منیم سووگولیمی
یا منی ئولدور آللاه


***


آغ آلما قیزیل آلما
نیمچه یه دوزول آلما
چیرکین آل نجیب اولسون
بد اصیل گؤزه‌ل آلما




باخیش
چهارشنبه 1 بهمن 1393
بؤلوم | باياتيلار یازار : ساراي
+0 به يه ن


چالیش خالقا دایاق اُول                اَل اَله وئر آیاق اُول

تک اَل ایله ایش آشماز                   قوللارینا ، دایا ، قول

هر گول بیر گون سولاندیر                         آز گؤزلری ، سولاندیر

دئمه فلکین چرخی                                   بیزی درده سالاندیر

 

فلکین قهری منه                             گلمیری رحمی منه

دولدورور غم باده سین                     ایچیردیر زهری منه

فلکین ایشی دوشسون             آغزیندان دیشی دوشسون

اونوندا منیم کیمی                نامرده ایشی دوشسون

 

گؤیلر بولودلو قالدی                    قوشلار اومودلی قالدی

آچاری یار بوینوندا                      گؤنلوم کیلیدلی قالدی

 

شمع یانار یاغدا اریر                          قار یاغار داغدا اریر

من دوشه ن درده دوشسه                 موم اولور داغدا اریر

 

من بو باغا گلمیشم                         گول درماغا گلمیشم

ایتیرمیشم گولومو                          آختارماغا گلمیشم