0
باخیش
پنجشنبه 20 شهریور 1393
سوناي
بؤلوم | آنايوردوم یازار : ساراي
+0 به يه ن




سوناي آذربايجان ؛ روز عشق و ولنتاين آذربايجان ...  روز عشق


 آذربايجان سوناي ، شبي از سال است كه به اصطلاح به آن اعتدال


 پاييزي گفته مي شود. شبي كه روز و شب برابر مي شوند و ماه


 كامل مي شود. اين شب تقريبا شب آخر تابستان است. البته


 ممكن است جند روز زودتر يا ديرتر باشد همه اينها بستگي


 به كاملشدن ماه دارد




آچار سؤزلر : سونای,
0
باخیش
پنجشنبه 20 شهریور 1393
فلكين الينن
بؤلوم | توركي شعرلر یازار : ساراي
+0 به يه ن

سيندي اورك داد فلكين الينن

آغلار گؤزوم داش كلگين الينن

من غملي يم حاليم اولوب پريشان

داد فلكين داد فلكين الينن

ديز چوكوروم باش توپراقا قويورام

ترسه گلن بو ديلگين الينن 

گوزلريمي آغلار قويوپ ناي انصاف

واي كدرين واي كلگين الينن

انسانليقي ايتيرميشيك دنيادا

هاممي دئير واي چورگين الينن

داغيتمايين وارليمي ائويمي

اوچسا ائويم واي ديره گين الينن

تارلا جانا گلدي داها دنيادا

هاراي چكير بو فلكين الينن



0
باخیش
پنجشنبه 20 شهریور 1393
وفاسيز ياراليندن
بؤلوم | توركي شعرلر یازار : ساراي
+0 به يه ن




نه لر چكديم زمانه ده من يازيق

امان تانريم وفاسيز يار الينن


حاق سيزليقي پاي وئرديلر كونلومه

دوست بيلديقيم امان اغيار الينن


ناله م بو گون سامالارا اوجالدي

هاراي چكديم نازلي نگار الينن


صبحه قدر هئچ دورمادي گؤز ياشيم

گؤز ياشلاريم ندن آخار الينن


آواره يم نه ائلييم  آي الله

نقدر چكيم من جفالار الينن


وفاسيزين داليسي جا ن آغلاديم 
تارلا داهي بسديربئله بو ناله 

اورت قاپيني وفاسيزلار الينن

اولدي ايشيم چوخ آه و زار الينن



0
باخیش
چهارشنبه 19 شهریور 1393
چال عاشيق
بؤلوم | توركي شعرلر یازار : ساراي
+0 به يه ن





امان يئرده كرم دوشوب ياديما
اصلي دردي آليب مندن چال آشيق
نه گونده يم هئچ اؤزومده بيلميرم
بو گونومه غم هاواسي چال آشيق

من كي سنده آراميرام ياراشيق
بيلدييني اسيرگمه چال آشيق
كونلوم كيمي دونيام گليب قاريشيق
وارليغيما اسير يامان يئل آشيق
بوگون منه بير كرمي چال آشيق



آچار سؤزلر : عاشیق,
0
باخیش
پنجشنبه 13 شهریور 1393
سن گئتدين ...
بؤلوم | توركي شعرلر یازار : ساراي
+0 به يه ن


سن گئتدين ائله بيل دونيا داغيلدي

ياز دا كؤچوب گئتدي ، يئري بوش قالدي

باهار اوره ييمي سن‌سيز قيش آلدي

من يازا وورغونام ، قيشي نئيليره م ؟؟؟


عشقيمي آپاريب سن گئتدين دئمك

عشق سيز بير كؤنول نه ييمه گره ك ؟

سويوق داشا دؤندو او گونده ن اوره ك

سينه م دن آسيلان داشي نئيليره م ؟؟؟


هميشه آيريليق، گئجه - گوندوزوك

بيريميز تپه ييك بيريميز دوزوك

اوستونون قاشي لا تانينار اوزوك

اوزويوم يوخدورسا ، قاشي نئيليره م ؟؟؟


نيه ياشاييرام من نييه سن ‌سيز

نه يئره باخمارام ، نه گؤيه سن ‌سيز

من كي كور اولموشام هر شئيه سن ‌سيز

كور گؤزون اوستونده قاشي نئيليره م ...



0
باخیش
پنجشنبه 13 شهریور 1393
باغيشلا مني
بؤلوم | توركي شعرلر یازار : ساراي
+0 به يه ن



آغلاماق پيشئم دي گولماغيم چتين باغيشلا سئوگيليــــم باغيشلا مني

 آغلاديم گولماديم آغلاتديم سني باغيشلا سئوگيليم باغيشلا مني

 آيريليقدان سنين درديـــن چوخويموش هيجراندان يانماقدان گوزون توخويموش

منيم يانيمدان كي درديـــن يوخويموش باغيشلا سئوگيليم باغيشلا مني

گئتيرديم بــــاشي ين دوماني چني ساخلاديــن آتمادين قلبينده منـــي

 بيرگون اولمادي كي گولدوروم سني باغيشلا سئوگيليم باغيشلا مني

 گيجه لر سن سيزليك رنگيمي سولدي گوندوزوم سن سيز دا گيجه يه دوندي

چوخلو سوز وارييدي اوره كده سوندي باغيشلا سئوگيليم باغيشلا مني

 باخديم گوزلري ين گولدوم گوله سان گيزليندان آليشديم يانديم بيلمه سان

گيجه لر آغلاديم نمي گورمه سان باغيشلا سئوگيليم باغيشلا مني

 من اولـــــــمـــــوشام محبتين گداسي سن سيز اوچار بيل عشقيمين بيناسي

 تكجه سن سن "اونوتمازين" صداسي باغيشلا سئوگيليم باغيشلا مني



0
باخیش
پنجشنبه 13 شهریور 1393
آيريليقين
بؤلوم | توركي شعرلر یازار : ساراي
+0 به يه ن



آيريليقين داشين قـــــــــويان گوروم باشين داشه دئيسين

هيچ طـــــــالعين آچيلماسين بختين قاره قاشه دئيسين

 پـارچالانسين اوز اوره كين غمله دولسون بوش اتگين

 هر گيجه لـــــــر منيم تكين كيرپيكلرين ياشه دئيسين

گوركي پاين نه لـــر ايميش قدي بوكموش بيلي اگميش

 ايندي سنين گوردوغون ايش زهرين اولسون باشه دئيسين

"اونودمازين"كونلوني قان سن ايله دين عمرين تالان

 آيريليقين داشين قـــــويان گوروم باشين داشه دئيسين



0
باخیش
پنجشنبه 13 شهریور 1393
اوشودوم هي اوشودوم
+0 به يه ن

اوشودوم هي اوشودوم

گوزلر اوسته قاشيديم

هاميلاردان باشيديم

اوزوك لره قاشيديم

ساوالانين باشيندان

داغدان ، آلما ، داشي ديم ( از كوه گرفته سنگي بودم )

********

داغدان يئنديم آرانا

تورانيمدان ايرانا

الدانديم بير ايلانا

سوچدان ناماز قيلانا

آرخاسيندا دايانديم

مني ساتدي قيرانا

******

آلماجيغيمي آلديلار  ( هويت)

منه ظولوم سالديلار

آديمي دوو قويدولار

قورخولو بير الديلار

آنا ديليم اليمدن

آلداتيلار آلديلار



0
باخیش
چهارشنبه 12 شهریور 1393
فلك
بؤلوم | توركي شعرلر یازار : ساراي
+0 به يه ن





توتولوپدي اورگيم قلبيمه اوت سالدي فلك

گوزومي سالدي گوزه شادليغمي آلدي فلك

قفسه سالدي بوغم.بوغدي.داريخديردي مني

مني سينديرماغينان اوز سازيني چالدي فلك



گوزليم كاش بولَسَن عشقيوه ديوانه منم

يانديريرسان مني هر گون يِئنه پروانه منم

آيريليق بسدي منه اوزگيه يار اولما جانيم

فلكين چرخي نين آلتينداكي ويرانه منم



اي گولوم عشقيوه من جانيمي قوربان الرم

او گوزل گوزلريوه قلبيمي حيران الرم

عشقيمي سينه ده زندان اله سن اي گوزليم

او زمان گور نجه دنياني گلستان الرم

مهربانليق گوزيوه چوخ ياراشير ايله وفا

منده عشقين يولونا ترك سر وجان الرم


گئجه اولدوزلاري بير بير ساييرام صبحه چاتام

بير خبر سننن آليب غصصه لريم باشدان آتام

دئديلر صبح گئلجاخسان كوچه دن رد اولاسان

كاش اولِيدي بو گئجه صبحه كيمين يولدا ياتام



گئديرم اوزگه يئره ،بلكه اورك ديغلامييا

بوقدر خاطيرني ،نيسگيلينن ساخلامييا

گوزلرين بلكه ياديمنان چيخا بير گون

ايچمه ميشدن داها گوز يادينا گوز آغلامييا

آغلاديقجان اورگيم ،ضرر ورير گوزلريمه

حسرتين پاس ايسلادان قلبيمي داي داغلامييا

گئديرم،سينميش اورك دونياني سربست بوراخا

بير گوورچين كيمي خولاردا داها لاخلامييا

اوردا شايد دلي ورغون آيريليقدان دئميه

نيسگيلينن قلميم شعر لرين باشلامييا




بير اوزگه كيمين قلبيمي يار ووردي داشا چكدي باشا

ساغليق دئمدي آخدي رقيبه دئدي كي سنده ياشا

اَغيارين اَلين تودو خومار خومار باخدي منه

فرياد اِلديم باخما خومار كيپريگيني قوزا يِتيرسين او قاشا

اَيدي قاشيني حيسلي دئدي؛گئت منه لايق دئيرسن

آهيله سوروشدوم كي خدايا اورگي چوندو داشا؟

ساقي داها همدم اولا بيلمز منه بو كهنه شرابين

بوندان سورا همدم منه السون قارا بير حقاماشا

نيسگيل يئلي اسديكجه ييخاجاقدور اورگين چارداغيني

قورخوم بودوركي دلي ورغون اورگي خيمنان آشا






0
باخیش
چهارشنبه 12 شهریور 1393
اوتانير
بؤلوم | توركي شعرلر یازار : ساراي
+0 به يه ن



او قَــدر باخدي گوزوم يوللارا يوللار اوتانير

گوزليم سننن اوزاخ بوردا كي گونلر اوزانير

گل جـــانيم آيريليقي دونيـــا دا باهم قوتاراخ...

منه غم همدم اولوپ گونده داليمجان دولانير





0
باخیش
چهارشنبه 12 شهریور 1393
نئيلرم
بؤلوم | توركي شعرلر یازار : ساراي
+0 به يه ن





دلبرا من سندن آيري عمر و جاني نئيلرم
تاج و تخت و ملك و مال و خانماني نئيلرم؟
ايسترم وصل جمالين تا قيلام درده دوا
من سنون بيمارونم ، ئوزگه دواني نئيلرم؟
چوخ دعالر قئلميشام من خالقين در گاهينه
چون مُراديم حاصل اولماز،من دعاني نئيلرم؟
اي مسلمانلا ر ،بيلين كي ، ياريله خوشدور جهان
چونكي ياردان آيري دوشدوم ، بو جهاني نئيلرم؟
دلبر آي دير ، اي نسيمي ، صبر قئل ائتمه فغان
من بو گون صبر ائيلسم داخي فغاني نئيلرم؟



0
باخیش
چهارشنبه 12 شهریور 1393
بيلمه دين
بؤلوم | توركي شعرلر یازار : ساراي
+0 به يه ن



آغلاديم گوزياشيمي گيزلينجه سيلديم بيلمه دين
دردين آلديم جانيما اولدوم-ديريلديم بيلمه دين
سن منيمله اوزگه لشدين يانديريب ياخدين مني
من سني ملك دلين سولطاني بيلديم بيلمه دين
سروتك آزادايديم طوفان اگنمزدي باشيم
قدديمي ائتدين كامان ياي تك اگيلديم بيلمه دين
عشق سرداري كيمي قورخمازديم هئچ بيركيمسه دن
بيرسنه بير عشقينه آنجاق يئنيلديم بيلمه دين
داش دا اولسام اول آياقلار آلتينا تورپاق اولوب
بير قوزو قوربان كيمي واللاه سريلديم بيلمه دين



آچار سؤزلر : دین,
0
باخیش
سه شنبه 4 شهریور 1393
چاي گئتمدي چوللرده قاليب دوندي بوزاولدي
بؤلوم | توركي شعرلر یازار : ساراي
+0 به يه ن

چاي گئتمدي چوللرده قاليب دوندي بوزاولدي
غملي گونشيم باخدي منه بير گون اوز اولدي

گون دوغدي ولي داغلار اياقيندا داياندي
چوخ قاخمادي يازگوندوزي يل توتدي بوزاولدي

دون دوشدي يرين رنگي آتيب قارچيچكينده
آغ دون گئينيب ير غمي غمدن آغيزاولدي

استي كومورون كوزلري ياندي اوره گيمده
ياريم كي گئديب بو غمه قلبيم يانيزاولدي

يار تللري ياديمده منيم قالدي داريخديم
ياره اوره گيم ناله چكيب ياندي كوز اولدي

اي گوزلري ماوي نيه بس آيبيري آتدين
ايستكلي گوزون بيردايانيب باخدي گوزاولدي

اي جان سنه من جان ديرم گل منه بير باخ
بو باخماقينان جانيمه بير جان نسوزاولدي
چاي گئتمدي چوللرده قاليب دوندي بوزاولدي
غملي گونشيم باخدي منه بير گون اوز اولدي

گون دوغدي ولي داغلار اياقيندا داياندي
چوخ قاخمادي يازگوندوزي يل توتدي بوزاولدي

دون دوشدي يرين رنگي آتيب قارچيچكينده
آغ دون گئينيب ير غمي غمدن آغيزاولدي

استي كومورون كوزلري ياندي اوره گيمده
ياريم كي گئديب بو غمه قلبيم يانيزاولدي

يار تللري ياديمده منيم قالدي داريخديم
ياره اوره گيم ناله چكيب ياندي كوز اولدي

اي گوزلري ماوي نيه بس آيبيري آتدين
ايستكلي گوزون بيردايانيب باخدي گوزاولدي

اي جان سنه من جان ديرم گل منه بير باخ
بو باخماقينان جانيمه بير جان نسوزاولدي






0
باخیش
سه شنبه 4 شهریور 1393
چوخ اينجيدير ياره مني
بؤلوم | توركي شعرلر یازار : ساراي
+0 به يه ن



توتدي بو اوخلارين بيري .چوخ اينجيدير ياره مني
دونن گئجه ياتان ماديم. قوسسا چكيب داره مني
اوخ ياراسي يخيب مني.جانيم چيخير.جان اوسته يم
ايندي اولوب يا ديريم. سن ائله دين ياره مني
ياواش ياواش آه چكيرم .گليبدي جان دوداغيما
سسليرم تاريني من .گورسده بيرياره مني
قاش گوزآتيب گولدي منه. اوخلادي قاره كيپريكي
مين اوخونان وردي مني .ائيله دي گون قاره مني
آغ گونوزوم قاره گئجه. يالواريرام ياره نئجه
بلكه باخا بيرده منه. ائيليه بيرچاره مني
آي تاري من عاشيقوم. قاش قارالاندا يادائله
تك گورشاق. بيرده گوروم. سن چكسن داره مني
نازلي شيرين. بيرداناسان. سنه تاين آغتاريرام
هئچ كيمسه ني تاپانميرام .ائيليه بيرچاره مني
آيبير اولور دوگل گوزل. هاينداسان. هاينداسان
سسليري. چوخ سيزيلديري .دوگل ائله چاره مني



0
باخیش
یکشنبه 2 شهریور 1393
آنا ديلي
بؤلوم | آنايوردوم یازار : ساراي
+0 به يه ن



بيز واريق , وارسا وطن , وارايسه دوغما ديليميز
اؤيره نيب بيلمه ليدير اؤز ديليني ائللريميز
آنا تك جاندان عزيزدير آنا تورپاق آنا ديل
حورمتين ساخلا ياشاركن آنالار قدريني بيل . . . . .
وطنين كيمليگيدير وارليغينين داش تملي
كيمليگين بايراغيدير هر بالانين دوغما ديلي
آنا ديلدير بزه ين دويغولارين اويلاغيني
سوسله ين آرزيلاري سئوگي سئوينجين باغيني

بولبول اؤز دوغما ديليله گوله سويلر سؤزونو
هر گول اؤز رايحه سيله تانيدار اؤز اؤزونو
آنا ديلدير داشييان لايلالارين جان داديني
آنا ديلدير ياشادان ائولادينين اؤز آديني

آنا ديلدير ائلينين تاريخي آيدين تانيغي
يوردونون اؤلكه سينين آيناسي سؤنمز چراغي
آنا ديلده آنانين سئوگيسي عطري دادي وار
آنا ديلده وطنين شانلي شرفلي آدي وار



آچار سؤزلر : آنا,