باخیش
سه شنبه 23 دی 1393
بؤلوم | ماهنيلار یازار : ساراي
+0 به يه ن

 



آنا قلبیم اودلانیر
سؤز دوشنده دعوادان
بس دئییلمی ای اینسانلار
تؤکولدو قان، آخدی قان؟!
بس دئییلمی آنا تورپاق
سو ایچدی گؤز یاشیندان؟!
یئر اوزونده دوستو اولسون
گره‌ک اینسان اینسانین.
قلبیمده‌کی بو آرزولار
آرزوسودور زامانین.
من آنایام، بو سسیمده
یئرین-گؤیون دردی وار.
صولحه گلین ای اینسانلار
یوخسا دونیا محو اولار
سیلاحلاری یاندیرین
عرشه قالخسین توستوسو
هر اوبادا، هر ائلده
قاناد آچسین “صولح” سؤزو!

نوروز گنجعلی



آچار سؤزلر : آنا,
باخیش
شنبه 13 دی 1393
بؤلوم | آنايوردوم یازار : ساراي
+0 به يه ن



آنا گولدور، بیر گون سولار

آنا دیلى شیرین اولار

بیزیم تورکو شیرین دیلدیر

خوش صدالى، زنگین دیلدیر

دیل گونشدیر، ایشیق ساچار

آزادلیغا قاپى آچار

یادین دیلى بویوندوروق

بیر گئچیددیر بوروق بوروق

بویوندوروق خالقى بوغار

گئچیدلرده قولدور سویار


قوى یادلاشسین سئناتورلار

خالقى سویان تاجیر، توججار

یالتاق شاعیر یولون آزسین

تکجه فارسى غزل یازسین!



آچار سؤزلر : شیرین, آنا,
باخیش
یکشنبه 2 شهریور 1393
بؤلوم | آنايوردوم یازار : ساراي
+0 به يه ن



بيز واريق , وارسا وطن , وارايسه دوغما ديليميز
اؤيره نيب بيلمه ليدير اؤز ديليني ائللريميز
آنا تك جاندان عزيزدير آنا تورپاق آنا ديل
حورمتين ساخلا ياشاركن آنالار قدريني بيل . . . . .
وطنين كيمليگيدير وارليغينين داش تملي
كيمليگين بايراغيدير هر بالانين دوغما ديلي
آنا ديلدير بزه ين دويغولارين اويلاغيني
سوسله ين آرزيلاري سئوگي سئوينجين باغيني

بولبول اؤز دوغما ديليله گوله سويلر سؤزونو
هر گول اؤز رايحه سيله تانيدار اؤز اؤزونو
آنا ديلدير داشييان لايلالارين جان داديني
آنا ديلدير ياشادان ائولادينين اؤز آديني

آنا ديلدير ائلينين تاريخي آيدين تانيغي
يوردونون اؤلكه سينين آيناسي سؤنمز چراغي
آنا ديلده آنانين سئوگيسي عطري دادي وار
آنا ديلده وطنين شانلي شرفلي آدي وار



آچار سؤزلر : آنا,