+0 به يه ن

سن سيز اي گول كونلومون بير دم قراري يوخدو، يوخ

سندن اؤزگه، نئيله سين، بير غمگساري يوخدي، يوخ

درد هيجرين چاره سي هرچند بيلديم صبرايميش

نئيله ييم، بالله بو دريانين كناري يوخدو، يوخ

لئيلي- لئيلي سؤيله ييب چوخلار دئيير كيم عاشيقم

ليك مجنون تك اونون بير داغداري يوخدو، يوخ

گوللري، بولوللري، آب و هاواسي چوخ گؤزل

حئيف كيم بو گولشنين بير گولعذاري يوخدو، يوخ

هئچ عيبين يوخ، گؤزليك هامي سنده جمعدير

نئيله ييم آمما كي، عهدين اغتباري يوخدو،يوخ

سن نه بسلرسن بو ترلاني نباتي، روز و شب

من بو داغي چوخ دولانديم بير شيكاري يوخدو، يوخ

+0 به يه ن

هاتشتي تشتي تشتي

گونلريميز نه گئچدي

توخليق بيزله اللشدي

يوخليق بيزه دولاشدي

آتام خياله قالدي

باشين ديواره چالدي

كي ايش گوجوم قاليبدي

كولَش چولي آليبدي

آروادينان دانيشدي

فيكيرلري قاريشدي

گَرَك بير اِششَك آلسين

چولدن ارزاق بوشالسين

اششك آليب گتيردي

غم داياقين يئتيردي

اياقلاري ناللانيب

دوداق موداق ساللانيب

اياق قويدي كندينه

نوخدالاندي بندينه

اوچ آي يايي اللشدي

قان ترينه بلشدي

پالان بئلين سورتوبدي

ساپ پالازين اورتوبدي

سينديرنمير يالاني

يالانلارين پالاني

هاوا بيردن قيشلادي

ايستيني قار قيشلادي

آتام فيكير لشدي كي

نيليرم من اششكي

ايشدن دوشموش كوششكي

آپاردي تئز آزديردي

سرنوشتين يازديردي

نئچه گونلر سووشدي

يارالاري قووشدي

بير گون گورديم گليبدي

پارپالانين دليبدي

توخداميشدي ياراسي

قالماميشدي چاراسي

ياش گوزوندن آخيردي

وفالي گوز باخيردي

 حيوانلارين چَتيني

ميننتين شربتيني

ييغديم وئرديم اششكه

نوخدالانميش كوششكه

آنجاق يازا چيخاندا

گون كولَكي ييخاندا

بويوك باشلار دانيشدي

فيكيرلري قاريشدي

بير دام تيكَك كند لره

علاج تاپاق دردلره

دعوت اولدي اششَكيم

فَرَحلَندي كوششكيم

قونشو لاردان ايپ آلديم

نوخدا بوينونا سالديم

چاغيرديم نال چالاني

آق اششكين پالاني

پالانلاديم اششكي

هرنه وار اششك داشير

ذللته اششك ياشير

قان تر اوزدن آخيردي

كور ايت دامدان باخيردي

آنجاق دامچا تيكيلدي

اِششك بئلي بوكولدي

گونلرين بيرگونونده

گئچن گونلر داديندا

ياخچيليقلار ياديندا

اششكي گون اينجيتدي

اياق قويدي دامچيا

قئر آت تك درمانچيا

توتديلار تئز اششكي

نوخدالانميش كوششكي

باش قولاغين كسديلر

او سان اششك ديللندي

من سيزه نيله ميشديم

اِششكليق لربسديلر

+0 به يه ن

نه يازيم غملي اوره كدن گينه يارسيز لاميشام

يوخ قراريم نجه مدتدي قرار سيزلا ميشام

سايرام گونلري شايد كي بو هجران قوتولا

گله ياز گوللريلن بلكه ! باهارسيز لاميشام

ساچلارون چين چين ايله حلقه لرين ياس ياراما

چك منيم باشيمي داراوستونه دار سيزلاميشام

عمرومون لذتي ايللر بويي يغمايه گدور

چاپليبدوراليمين وارليقي وارسيزلاميشام

ديله گل بلكه مني غصه هلاك ايله مه سين

چال او مضرابي دانيشدر سازي تارسيزلاميشام

ساوالان تك اوجا داغلار كيمي قاراختاريرام

عطشيندن خفه لن ديم اودي قارسيزلاميشام