+0 به يه ن

دومانلي گؤزلرينده اويموشام

سن وارسان، منده!

باخيشيوي ايتيرميشه م چمليكده

من يوخام، سنده!

درين باخيشيندا گيزلنميشه م

... اوزه چيخانمير سئوگي ميز!

سنين اؤلمووو ايسته ييرم

اؤزوم توپراغين اولارام

ايللر بويي قورو جيسميوي قوجاغا آلارام

.

توپراقلاريميز بير اولاجاق

... بيليرم

گولوم سولوب

اللريم تيكنلاريني آختارير

شيرين گله جه ييميزين ايستي سين سؤندوردو

گئچميش گونلرين آجي توستوسو

آيريلاق دئديم...

كئشكه لال اولايديم!!!

سن ايله دونيا آجي ايدي

... سن سيز

داها داد بيلميرم

دور جانيم

دايان

گئتمه

يالواريرام

دور اؤلوم...

سونرا اؤلدور بيله مي

اللريميز بير بير ايله باغلاندي

باخيشلاريميز بير بير ايله تيكيلدي

نفسيميز بير بير ايله دولاشدي

آما بير اولماميز...