0
باخیش
سه شنبه 31 تیر 1393
سن گئتدين
بؤلوم | آنايوردوم یازار : ساراي
+0 به يه ن





سن گئتدين، ائله بيل دونيا بوشالدي
ياز دا كؤچوب گئتدي، يئري بوش قالدي
باهار اوره‌ييمي سن‌سيز قيش آلدي
من يازا وورغونام، قيشي نئيله‌رم؟


عشقيمي آپاريب سن گئتدين، دئمك
عشق‌سيز بير كؤنول نه‌ييمه گره‌ك؟
سويوق داشا دؤندو او گوندن اوره ك
سينه‌مده آسيلان داشي نئيله‌رم؟..



0
باخیش
سه شنبه 31 تیر 1393
ال چك داها
بؤلوم | آنايوردوم یازار : ساراي
+0 به يه ن



ال چك داها بو قلبيمي ويران ائله مكدن
عشقينده مني هر گئجه گريان ائله مكدن
بير ياره ويريبسان منه ، اي قامتي رعنا
عاجيزدي حكيم لر منه درمان ائله مكدن
بير درد قانان يوخدي منيم درديمي قانسين
ياندي جيگريم درديمي پنهان ائله مكدن



0
باخیش
دوشنبه 30 تیر 1393
يوسف
بؤلوم | شهريار یازار : ساراي
+0 به يه ن

يوسف گله جك بيرده بو كنعانه تلسمه

عالم دونه جك جنت و رضوانه تلسمه

سيخما اوره گون اي دل غمديده كه الله

سامان ورجك بي سر و سامانه تلسمه

بي جا يره چرپينما و سرگشته دولانما

رونق ورجك حال پريشانه تلسمه

عمرون كه وفا قلسا اگر فصل بهاره

 گل چتري تو تان باشه گلستانه تلسمه

 دوران جهان اولماساگر وفق مرادون

غم غصه يتوب چرخش دورانه تلسمه

 مين نقشه قالوب پرده دنياده ازلدن

واقف دگورسن پرده پيمانه تلسمه

 كشتي سورنون نوح نبي دور نه هراسون

 گدتمك دن اتور ساحل عمانه تلسمه

ايدل توتا گر سيل فنا ملك جهاني

 هم سيله تحمل اله طوفانه تلسمه

 يولار كه اوزاق الموش و هر چند خطرلي

 يوخدور اويولي يتميه پايانه تلسمه

احوال پريشانه خدا جور رقيبه

 واقف دي ازلدن ، دل ديوانه تلسمه

 بلبل كه تابون يوخدي بو هجران و فراقه

حسرت ده قالوب موسم بوستانه تلسمه

اي طالب كعبه كه ياترسان تيكان اوسته

 بيرگون يته سن كعبه جانانه تلسمه

 حافظ نه قدر هرگجه قرآن اوخويرسان

 جنت دي يرون آند اولاترانه تلسمه

مين خار مغيلان توتا هرلحظه اياقون

روحون گوزي گر گلسده افغانه تلسمه



0
باخیش
دوشنبه 30 تیر 1393
«اوْيان! ستّارخان! اوْيان!»
بؤلوم | آنايوردوم یازار : ساراي
+0 به يه ن

خان!

اوْيان!

نه ياتيبسان!



0
باخیش
دوشنبه 30 تیر 1393
ياخشيدي
بؤلوم | آنايوردوم یازار : ساراي
+0 به يه ن

دلي كؤنول, من‌دن سنه امانت
دئمه بو دونيادا قاليم ياخشيدي
بير گون اولار, قوحوم, قارداش ياد اولار
دئمه ئولوسوم وار, ائليم ياخشيدي
بير مجليسه وارسان اوزونو اويمه
شيطانا باج وئريب, كيمسيه سؤيمه
قوت‌لي اولسان دا يوخسولو دؤيمه
دئمه كي, زورلويام, قولوم ياخشيدي
قوچاق‌دان اولوبسان, قوچاق اولگونان
قادا‌دان, بالا‌دان قاچاق اولگونان
آشيق اول, جومرد اول, آلچاق اولگونان
دئمه, واريم چوخدور, پولوم ياخشيدي
خسته قاسيم, كيمه قيلسين داديني؟
جاني چيخسين, اوزو چكسين اودوني
ياخشي ايگيد يامان ائتمز آديني
چونكي يامان آددان اولوم ياخشيدي.



0
باخیش
دوشنبه 30 تیر 1393
کوسموشـم
بؤلوم | توركي شعرلر یازار : ساراي
+0 به يه ن


دونیادان اوز دونده ریب من آشــنا دن کوسموشـم

 

باش یازیمنان بخت دن قدر و قضــا دن کوسموشم

 

 گرطبیبیم ده علاجــــــــی کوسمـــه ماق تجویز ائده

 

 اتـــــــمه رم امرین اطاعت چــون دوادن کوسموشم



**************


بوگون آخشام سن سیز منی آغلاتدی یاغیش

یادوما سالدی سنی مطلبینه چاتدی یاغیش

کوچه لر اولدی گوزومده ینه بیر آرپا چایی

منی سن سیز نئجه نیسگیل سئلینه آتدی یاغیش


**********************

گوردون  کی نئجه  قافله  عمر  سووشدی

وئردی گئجه وقتی یوخویا گئچدی جوانلیق

بیرلحظه دایان  آیریلیق هنگامیدی ای عمر

آردونجا  گلیم گوزدن  ائدیم اشک  فشانلیق





0
باخیش
دوشنبه 30 تیر 1393
دوشوب عشقين باشما
بؤلوم | آنايوردوم یازار : ساراي
+0 به يه ن




دوشوب عشقين باشيما اي سنه قربان گوزليم
گل جمالوندي فقط درديمه درمان گوزليم
يوخوگلمير گوزومه صبحه تكين، من اوياغام
هارداسان آختاررام من سني حيران گوزليم

دوشموشم عشق اودونا رحم ايله انسان سان اگر
بوقدر ناز ايلمه سئو مني جيران سان اگر
ره عشقون ده چوخلو زامان دير گزيرم
مني اولدور قوتاريم حاكم زندان سان اگر



0
باخیش
دوشنبه 30 تیر 1393
باياتي
بؤلوم | آنايوردوم یازار : ساراي
+0 به يه ن

مني ديندير گوزليم داغلي اورك دادَه گئليپ

شيرينين داغ ياراسي بيرده بو فرهاده گئليپ

مني ديندير كي شفادير منه او نازلي سسين

او گئچـن گونلريميز گور نئــجه فرياده گئليپ



آچار سؤزلر : بایاتی,
0
باخیش
دوشنبه 30 تیر 1393
آغلاما
بؤلوم | آنايوردوم یازار : ساراي
+0 به يه ن



گؤزلري‌نين ياشيني سيل آغلاما
بيليرم چتيندير سندن آيريلماق
گؤزلري‌نين ياشيني سيل آغلاما
سنه ده عذابدير منسيز تك قالماق
گؤزلري‌نين ياشيني سيل آغلاما
سئوينجلي، كدرلي گونلر گؤرموشوك
درديميز بير اولوب بيرده بؤلموشوك
بيز بير- بيريميزدن آيري قالميشيق
گؤزلري‌نين ياشيني سيل آغلاما
بيليرم يانيمدا اولماياجاقسان
بلكه ده سن مني اونوداجاقسان
قبريمين اوستونده آغلاياجاقسان

گؤزلري‌نين ياشيني سيل آغلاما
سن مني گؤروب دلي اولاجاقسان
حاليما بير باخيب سن دوناجاقسان
منيم يئريمه سن قوجالاجاقسان
گؤزلري‌نين ياشيني سيل آغلاما
بير چتين يولدو عذابدي محبت
گوندوزو پيس گونه قويدو محبت
مني باخ بو حالا سالدي محبت
گؤزلري‌نين ياشيني سيل آغلاما



0
باخیش
دوشنبه 30 تیر 1393
سنسيزله ميشم
بؤلوم | سئوگي یازار : ساراي
+0 به يه ن




بيرگورچين كيمي دنسيز له ميشم
بلبلــــم يازدا چمن سيزله ميشم
اسكيــدن شانلي شرفلي ائليديم
دشمنه قارشي امان سيز سئليديم
زيروه‌سي چنلي دومانلي بئليديم
ايندي مدتدي كي چنسيزله ميشم
منــــده اردملي ارن‌لر واريميش
ستارا بابــــــكه تاي‌لار ياشاميش
اوقــــدر ائل‌جه بيلن‌لر ياشاميش
اينـدي من ارسيز ارن سيزله ميشم
دردمين يوخ آدي عنــواني دئسم
حئيرته قالـــديرير انساني دئسم
باشقا بيــر سوزله بو معناني دئسم
اوز دياريم ده وطن سيز له ميشم
درد مني يانديرير اما اودي يوخ
اونلا آغزيمدا حياتين دادي يوخ
دئميرم دردلر ايچينده آدي يوخ
دئييـــرم من بئله من سيزله ميشم
اي منيم من ليگيم ايمداديمه يئت
دور، گه بير منله قوووش داديمه يئت
مني باس باغـــرووا فرياديمه يئت
بيليسن كي نئجـــه سنسيزله ميشم



0
باخیش
دوشنبه 30 تیر 1393
بولودلار سس چكيب آغلاشاندا گل
بؤلوم | توركي شعرلر یازار : ساراي
+0 به يه ن




بولودلار سس چكيب آغلاشاندا گل

وردغين يارالار ساغلاشاندا گل
بو سويوخ محبت داغلاشاندا گل
گورسن كي من يوخام آختارما مني

بو غريب شهرده بوجاغلارا باخ
شعير دفتريمده وراغلارا باخ
اويمده تك به تك اوتاغلارا باخ
گورسن كي من يوخام آختارما مني

چكنده شكليمي گوزونده ياش چك
اونون يانيندا بير اوره يي داش چك
سنيله گزديغيم يرلره باش چك
گورسن كي من يوخام آختارما مني

اولجه ياديندا هاردا دانشد يخ؟
بير ذره كوزونن يانديخ آلشد يخ؟
گت همن يره كي اوردا تانشد يخ
گورسن كي من يوخام آختارما مني

آرزيلار آرازين اوچوب باشينا
اولوم بيردن بيره چخدي قارشينا
يازيبلار بو سوزي قيبر داشينا
گورسن كي من يوخام آختارما مني



0
باخیش
دوشنبه 30 تیر 1393
قوجاليرام
بؤلوم | سئوگي یازار : ساراي
+0 به يه ن


سنين آدين گلن يئــــــــرده
هئچ بيليرسن اوجاليرام؟؟؟
هاردا قالدين؟؟؟ قوجاليرام.
عومروم اولسا ياراشيغيـــــن
يورغون قالماز بو عاشيقيـن
گورمه‌ك ايچين گؤز ايشيقين
بوندان اوندان بُرج آليــــرام
هاردا قالدين؟؟؟ قوجاليرام..