چالیش خالقا دایاق اُول                اَل اَله وئر آیاق اُول

تک اَل ایله ایش آشماز                   قوللارینا ، دایا ، قول

هر گول بیر گون سولاندیر                         آز گؤزلری ، سولاندیر

دئمه فلکین چرخی                                   بیزی درده سالاندیر

فلکین قهری منه                             گلمیری رحمی منه

دولدورور غم باده سین                     ایچیردیر زهری منه

فلکین ایشی دوشسون             آغزیندان دیشی دوشسون

اونوندا منیم کیمی                نامرده ایشی دوشسون

گؤیلر بولودلو قالدی                    قوشلار اومودلی قالدی

آچاری یار بوینوندا                      گؤنلوم کیلیدلی قالدی

شمع یانار یاغدا اریر                          قار یاغار داغدا اریر

من دوشه ن درده دوشسه                 موم اولور داغدا اریر

من بو باغا گلمیشم                         گول درماغا گلمیشم

ایتیرمیشم گولومو                          آختارماغا گلمیشم