+0 به يه ن
یئتیشدی غیــــر عاشیقلر وصـــال یـاره بیز قالدیـق
خلایــــق چـــاره تاپـــدی دردینـه بیچـاره بیز قالدیق
هامی اؤز سئودیگی معشوقه سیله شادکام اولدو
یانـان پروانــه لر تک روز و شب اودلاره بیــز قالدیــق
رقیــب بـی مـروت لـــر فرحنــــاک اولــــدو عالمــــده
سئــویب جانــــانی حســرت طره طراره بیز قالدیق
کئچیرتدیک تیــر نـازین سینه دن هر ماه رخسارین
گئنــه بــی مهر چیخــــدی طعنـه اغیاره بیز قالدیق
محبت گولشنینده بیر گول اکدیک زحمتین چکدیک
صفاسین اؤزگه لـر گــؤردو جفــای خـاره بیز قالدیق
بوتــون دیوانــه لر واحــد کمندیــن دن خــلاص اولدو
گئنــــه او زولفــه باغــلی متصـــل آواره بیـز قالـدیق
( علی آقا واحد )
