باخیش
شنبه 13 دی 1393
بؤلوم | آنايوردوم یازار : ساراي
+0 به يه ن



آذربایجان اودلو ائلیم

بالدان شیرین تورکو دیلیم
دالغالاندیریر منیم سئلیم
هیمته قوربان من اولوم.

آسلان کیمی نعره چکه ن
نامردلرین قدین بوکه ن
بابک کیمین رهبر سئچه ن
جراته قوربان من اولوم.

قوی دئییم بیر بابک`یمدن
اؤز یوردومون ار تکیندن
دوشمنلری قیر کؤکوندن
میللته قوربان من اولوم.

جاوانلارین غئیرتی وار
قوجالارین حؤرمتی وار
گئچمیش ائلین عیزتی وار
عیزته قوربان من اولوم.

ساوالان تک داغلاریمیز
چیچکلیدیر باغلاریمیز
کوراوغلوموز٬ نیگاریمیز
قامته قوربان من اولوم.

سازلی صؤحبتلی آشیقلار
اینسانلارا جان باغیشلار
قوی قار یاغسین هم یاغیشلار
صؤحبته قوربان من اولوم.

سرین – سرین بولاقلارین
قویونلارین٬ قوزولارین
یاشیل باشلی سونالارین
قیرآت`ا قوربان من اولوم.

پئیمانه لر دول-ها-دولا
ایگیدلرین ساغدان سولا
جان وئره ریک بیز بو یولدا
قدرته قوربان من اولوم.

یورولماسین ائللریمیز
هئچ سولماسین گوللریمیز
لال اولماسین دیللریمیز
نییته قوربان من اولوم.

دومان داغلار باشیندادیر
بوزقوردلاریم یانیندادیر
خوش گونلریم یاخیندادیر
شؤوکته قوربان من اولوم.



آچار سؤزلر : آذربایجان,