+0 به يه ن

موسيقي نشئه سي مين سوگيلي جانانه دگر

اثر ناله ني عارف ايچون جانه دگر

موسيقي اهلينه انصاف ايله قيمت قويماق

لحن داود ايله مين تخت سليمانه دگر

بيخبرلر نه بيلير لهجه خواننده نه دير

اهل حال اولسا، بو سؤز قدرده ميليانه دگر

پرده غم داغيلير تاره دگنده مضراب

طره دلبره هردم نئجه كي شانه دگر

موسيقيله اولار هر خسته يه عالمده علاج

بو طبابت نئچه مين چاره لقمانه دگر

بيزه بو علم حرام اولموش ايدي كئچميشده

يعني شيطان ايشي دير، رخنه سي ايمانه دگر

ياشاشين قرمزي شهرتلي وطن قانوني

بوسخاوت نئچه مين حاتم دورانه دگر

قيلدي هر يئرده بنا موسيقي مكتب لريني

نغمه نين فايده سي ايندي هر انسانه دگر

خلقيميز موسيقي علمين اوخويور مين لر جه

ئولكه ميزچون بو شرف مهر درخشانه دگر

موسيقيله مني دفن ايله سه لر واحد اگر