+0 به يه ن

گوزلرين قاره سينـه بير نيچه قربان ديميشم

قاشلارين طاقينـه قربان يرينــه جان ديميشم

راز پنهانيمي خلق ايچره منيـم فاش ايله ديـن

بي وفا، من كي سنه سريمي پنهان ديميشم

خوبلــر جمله گداديــر سـر كوينــده سنيـن

سنه بو خوبلــر ايچــره مـه تابان ديميشــم

قاشينا تيغ ديديـم قانيمي تو كمك نه ايچـون؟

توت كي، ظاليم، نولا بوباره ده بهتان ديميشم

اينجييوب چيخسا سينه مدن يري وار پيكانين

كي، نيچون باغريما گلديكجه باسوب، جان، ديميشم

واحدم، قويمايين، ئولدوردي او مهپـاره مني

سهو ايدوب گل اوزونـه مهر درخشان ديميشم