باخیش
یکشنبه 18 آبان 1393
بؤلوم | واحد یازار : ساراي
+0 به يه ن


ايسته رم من او گولي اؤز گول خندانيم اولا

اودا ئوز كونلوني وئرسين منه جانانيم اولا

تك جانانيله بير يئرده گونوم خوش گئچسين

آرزو ايله مه رم باغ گلستانيم اولا

قيمييان جانينه عاشق دگيل اؤز ياري ايچون

من فدا ايليه رم ياريمه مين جانيم اولا

گونده مين يول ائده رم جانيمي قوربان او گؤله

اودا بير يول دولانيب باشيمه قوربانيم اولا

بو پري چهره لرين بيرجه گؤزل ليك لري وار

سومه رم هئچ بيرين الده اگر امكانيم اولا

نيله ييم كؤنلومه بير قويماده آسوده اولام

گؤروم اي كاش كي ويران دل سوزانيم اولا

واحد هر شوخه اينانديم سا وفاسيز چئخدي

بو گؤزل لرله منيم حشرده ديوانيم اولا

شاعير: علي آقا واحد