+0 به يه ن
درديميزه دوزه ريق
ايري يولدان آزاريق
تورك ديلينده يازاريق
بيز ظولومدن بئزاريق
ظاليملرين اونونده
درين قويو قازاريق
********
درين قويو بئش گئچي
اونون بيزه نه وئجي
اوتوره جك تئز گئجي
بو قونودا يوخ سئچي
ال اله وئرمك گرك
آذربايجان اركجي
**********
اركج قازاندا قينر
قيزلار يانيندا اوينار
بويو اوجا ، اوزو نار
اور ائلينه گو وه نر
قول قولا ائل گوجونه
وارليغيني قازانار
************
اركئج گئتسه اودونا
قميش باتسا بودونا
وطن دوشر يادينا
هاراي وئرر دادينا
قميش گوموشه دونر
آذربايجان آدينا
********
آز قاليري گون باتا
باياز گويرچين ياتا
بايقوش لار غرور ساتا
گوموشو وئرديم تاتا
تات منه داري وئردي
قويمام گوئرچين ياتا
**********
داري ني سپديم قوشا
قوشلار اوچولار قوشا
نغمه لر قوشا قوشا
حسرت، قالدي بايقوشا
قوش منه قاناد وئردي
اوچدوق گويلره قوشا
****************
قانادلانديق اوچماقا
حاق قاپيسين آچماقا
يئره ايشيق ساچماقا
ظولمون كوكون بيچماقا
ساوالانين سويونو
زيروه سينده ايچماقا
