هرنيه جان دئمرم توپراقيما جان دئميشم

بوآراز پارچاليان اولكيه قوربان دئميشم

آرازين قان ياشي آغلور گوزي ايللربويي دي

بوآخان گوزياشيني درديمه درمان دئميشم

اليم اولكمدي منيم گوزلريمين جوت ببكي

ميللتين سئوميينه عورضه سيزحيوان دئميشم

اجنبي لراليمي پارچالادي ياندي ديليم

اسگي يوردون يولونا سينه مي آل قان دئميشم

وطن اوستينده اگر دوستاغا دوشسم غمي يوخ

قولومي باغلايان او زينجيره پيمان دئميشم

ظولم اليندن قوجالان داغلارين اولادي منم

يئرده قالماز وطنيم زيروه ده طرلان دئميشم

آنام اورماندي آتام زولفي آغارميش ساوالان

آنا يوردوم دي بورا آذربايجان دئميشم